Prej kohësh në media është komentuar gjatë trekëndëshi Selena Gomez- Justin Bieber- Hailey Baldwin.
Justin u martua me Hailey-n pasi u nda nga Selena, ndërsa kjo e fundit i dedikoi një këngë ish-it që bëri bujë të madhe në rrjet.
Teksa të gjithë mendojnë se mes Selena-s dhe Hailey-t ka armiqësi, modelja ka vendosur të flasë duke mohuar gjithçka.
Në një intervistë për “British Vouge”, Hailey është shprehur:
“Mendoj se mediat sociale janë një tokë perfekte për toksicitet dhe njerëz që krijojnë drama false mes vajzave dhe grave, për t’i vënë ato kundër njëra-tjetrës e për të krijuar këto histori që janë thjesht… toksike”, duke kërkuar që kjo gjë të ndalojë sa më parë.
Mesa duket, Hailey nuk e ka aspak problem që Selena i dedikoi një këngë bashkëshortit të saj, Justin-it dhe ka vendosur të vazhdojë e qetë martesën e saj.
