Lidhja mes Armina Mevlanit dhe Shkëlzen Berishës sa vjen dhe bëhet më e hapur për publikun. Çifti poston shpesh foto bashkë, komentojnë te njëri-tjetri dhe bëjnë dedikime speciale.
Por ajo që nuk dinim ishte pikërisht fakti që Shkëlzeni i ka bërë propozimin për martesë Arminës. Dhe kjo ka ndodhur jo së fundmi, por 1 vit më parë.
Ku dhe si ndodhi propozimi?
Armina tregoi detajet e një prej momenteve më të veçanta të saj gjatë një interviste në “Pop Culture”.
Propozimi ka ndodhur pikërisht te vendi ku Armina publikoi dy ditë më parë foto. Mbetet sekret, pasi tashmë ka marrë titullin “vendi i tyre”.
“Ky vend mbetet si vendi jonë, sepse unë e kam thënë që kam marrë një propozim për martesë. Nuk ka qenë klasiku, sepse ishte i papritur. Propozimin e mora vjet, tek i njëjti vend, në të njëjtin stol. Ka ardhur shumë spontanisht, sepse ne po rrinim bashkë dhe kishim vënë një këngë, që është kënga jonë, dhe Zeni nisi të më thoshte: “Do të doja shumë që të isha përgjithmonë me ty dhe të martohesha me ty. A do ta doje dhe ti këtë gjë?”. Nuk ishte propozimi klasik, por ishte diçka shumë e veçantë sepse erdhi spontanisht. Më ka dhënë një unazë që është simbolike”, kujton Armina.
Sa për ditën e martesës, blogerja thotë:
“Është në planet tona të martohemi, por nuk kemi vendosur një datë. Kam dëshirë që dasma të jetë shumë intime dhe me njerëzit më të afërt. Por kam përshtypjen që nuk do të mbesë e tillë, pasi jemi edhe njerëz publikë. Asnjëherë nuk i kam kuptuar dasmat shumë të mëdha”.
Burimi: Iconstyle.al
