Armina Mevlani sapo na zbuloi se është një tip shumë i ndjeshëm dhe ka shprehur keqardhjen e shqetësimin e saj të madh për qindra njerëz dhe sidomos fëmijë që po humbin jetën çdo ditë nga lufta e bombardimeve në Siri.
Blogerja e njohur ka ndarë më fansat një “Instastory” me një foto gjatë një shpërthimi në Siri dhe e ka shoqëruar me një lutje që i drejtohet Zotit.
“Zot! Kur do të mbarojë e gjitha kjo? Më copëtohet zemra çdo ditë dhe lutem çdo natë që kjo të mbarojë. Zoti mund të dëgjojë lutjet tuaja”, shkruan Armina.
Jeta e fëmijëve që po vriten çdo ditë është më e rëndësishme se çdo arsye tjetër në këtë botë.
“Të lutem Zot bëj që kjo të mbarojë. Atje po vriten fëmijë, pjesa tjetër është e parëndësishme. Ne mund të lutemi dhe të flasim të gjithë së bashku. Unë do të jepja çdo gjë vetëm që kjo të mbaronte…”, përfundon Armina në postimin e saj.
Armina Mevlani, por edhe shumë personazhe të tjerë janë solidarizuar me ato qindra fëmijë që po humbin jetën çdo ditë dhe luten që kjo të përfundojë sa më shpejt.
