Nuk po flasim për festat me pizhame. Por për trendin që pushtoi muajt e fundit rrugët e botës!
Dasara Malltezi, mbesa e ish-kryeministrit Sali Berisha, ka postuar një fotografi më 5 qershor ku kishte dalë me pizhame në rrugët e qytetit ku aktualisht po studion. Në fakt në rastin e saj, sipas asaj që ka shkruar, ishte vetëm një dëshirë për t’u shkëputur ca minuta nga studimi, pa hequr dorë nga rehatia e shtëpisë.
“Kur jashtë është 30 gradë celsius, ti duhet të studiosh, por do të jesh komode. Pizhamet e dizajnuara nga unë”, shkruan Dasara krah fotos.
Nuk kanë kaluar shumë ditë kur të njëjtën gjë, por në variant tërësisht sensual, ka bërë edhe partnerja e Shkëlzen Berishës, Armina Mevlani. Pamjet e Arminës nuk kanë asgjë të ngjashme me atë të sportivitetit të mbesës së partnerit të saj, por të dyja janë veshur me pizhame dhe kjo mjafton që të themi se mund t’i vishni edhe ju.
