“Orange is the new black”. Portokallia është e zeza e re. Është kjo shprehje që mbizotëroi kur ngjyra portokalli mori rëndësinë e ngjyrës së zezë dhe e zëvendësoi atë në pasarelat më të njohura të modës.
Portokallia do të jetë edhe për këtë sezon ngjyra kryesore e shtëpisë më të madhe të modës, Giorgio Armani, sfilata e të cilit për koleksionin Couture Pranverë/Verë 2017, u prezantua të martën.
Dy të nominuarat për Academy Awards, Nicole Kidman dhe Isabelle Huppert, ishin dy nga të ftuarat e nderit që erdhën të shihnin me kureshtje koleksionin e ri Armani Prive. Krijimet pranverore të stilistit të njohur kishin nuanca të portokallisë, mandarinës dhe të verdhë që kombinonin me materialin aq të preferuar saten dhe aksesorë me gurë të shndritshëm në pjesën e bustit.
Xhaketat dhe fustanet klasike binin në sy për rrezatimin që ofronin, me qëndismat florale dhe rruazat, teminat apo dhe pendët shumëngjyrëshe që mund t’i shihni në galerinë e mësipërme.
Burimi: Vogue
A photo posted by Armani (@armani) on
