Disa muaj më parë në media u komentua fejesa e papritur e futbollistit të Kombëtares shqiptare, Armando Sadiku. Ai e zyrtarizoi fejesën e tij me të dashurën nga Kosova në një ceremoni shumë private.
Pavarësisht kuriozitetit të mediave dhe fansave për të njohur të fejuarën e bomberit të Kombëtares shqiptare, ai u tregua shumë i rezervuar duke mos dhënë asnjë informacion, apo duke mos postuar asnjë foto në rrjetet sociale. Të gjithë patëm mundësi ta shihnim për herë të parë të fejuarën e Armandos fundjavën e kaluar në emisionin “Dua të të bëj të lumtur”, ku ai ishte ftuar të surprizonte një ndër fansat e tij më të çmendur.
Mirëpo ditën e sotme i ftuar në emisionin “Kush vjen për drekë”, Armando Sadiku ka folur për herë të parë për partneren e tij.
Ai zbuloi se partnerja e tij quhet Elona dhe është nga Drenica e Kosovës. Ata janë njohur bashkë kur futbollisti ka luajtur në Zyrih, duke qenë se ajo ka lindur dhe është rritur në Gjermani.
