Futbollisti i njohur i Kombëtares shqiptare, Armando Sadiku ishte i ftuar mbrëmjen e sotme në emisionin “Dua të të bëj të lumtur”, për të surprizuar fansin e tij të çmendur, Xhuljon.
Mirëpo Arbana Osmani i kishte rezervuar një surprizë edhe Armandos, i cili sot kishte ditëlindjen.
Fillimisht Arbana na zbuloi një Armando që nuk e kishim njohur më parë, i cili ka një shpirt të madh dhe kishte marrë një vendim të madh. Ai kishte vendosur që të gjitha paratë që kishte fituar nga një fushatë publicitare t’i dhuronte për të rindërtuar shtëpitë e disa familjeve në vendin ku ishte rritur.
Më pas për të festuar ditëlindjen e tij të 27-të, Arbana kishte ftuar në studio edhe prindërit dhe të fejuarën e tij simpatike.
Vetëm pak kohë më parë në mediat online qarkulloi lajmi se Armando Sadiku ishte fejuar dhe mbrëmjen e sotme u njohëm me Elonën, vajzën që i ka rrëmbyer zemrën bomberit të Kombëtares sonë.
Prindërit dhe e fejuara e uruan për ditëlindjen Armandon duke i uruar sa më shumë suksese në jetë dhe pse jo edhe sa më shumë gola.
