Pas shumë mundimesh, Britney Spears siguroi më herët një fitore të madhe në përpjekjen e saj të vazhdueshme për të larguar kujdestarinë 13-vjeçare dhe gjykata vendosi që babai i saj, Jamie P. Spears, të pezullohet menjëherë.
“Largimi është në interesin më të mirë të Britney Spears”, tha gjykatësja. “Situata aktuale nuk është e qëndrueshme”, shtoi ajo.
Gjykatësja gjithashtu urdhëroi që kontrolli i të gjitha aseteve të Spears t’i kalohej një kujdestari të përkohshëm të caktuar nga gjykata – një kontabilist publik i certifikuar i quajtur, John Zabel.
Plagët e së shkuarës është e vështirë që të rikuperohen dhe Britney po ndan herë pas here zhgënjimin me fansat e saj.
Së fundmi ajo ka hedhur akuza ndaj së ëmës se ishte “arkitektja” e kujdestarisë që e kufizoi për 13 vite. Përmes një postimi në rrjete sociale, këngëtarja shprehej mes të tjerash:
“Ju e dini saktësisht se çfarë keni bërë“.
“Babai im mund të ketë filluar konservatorin 13 vjet më parë… por ajo që njerëzit nuk e dinë është se nëna ime është ajo që i dha atij idenë.”, ka shkruar ajo. “Ajo më shkatërroi fshehurazi jetën …“, shton më tej këngëtarja.
Spears e fshiu menjëherë tekstin, ku dukej qartë sulmi ndaj nënës së saj.
/iconstyle.al
