Viti 2025 u kthye në pikën historike ku inteligjenca artificiale shpërtheu me fuqi të plotë dhe u bë e qartë se kthim pas nuk kishte më. Pyetjeve që dikur kërkonin ekspertë, kohë dhe analiza të gjata, tani u përgjigjej AI brenda sekondave.
Teknologjia që dikur dukej si fantashkencë filloi të përshpejtonte kërkimin shkencor, të rriste produktivitetin dhe të sillte zgjidhje për probleme që prej dekadash dukeshin të pazgjidhshme. Në çdo faqe lajmesh, në çdo ekran, AI ishte aty, me histori që ndezën debate rreth potencialit të saj, por edhe rreziqeve të epokës së re.
Aftësitë e saj shpesh duken si magji: nga eksperimentet që synojnë komunikimin me balenat, deri te zgjidhja e një problemi matematikor të pambyllur prej 30 vitesh. Modelet evoluojnë me shpejtësi të frikshme, duke bërë brenda çastesh atë që njerëzve u merrte orë.
Por kjo epokë e re vjen edhe me kosto. Inteligjenca artificiale përthith energji kolosale për t’u mbajtur në funksion. Profesione po zhduken. Dezinformimi përhapet më shpejt se kurrë. Sulme të sofistikuara kibernetike mund të realizohen pa asnjë njeri pas tastierës. Ndërkohë, kompanitë teknologjike po lidhen gjithnjë e më ngushtë me ekonominë globale, duke marrë bastin më të madh të historisë moderne.
TIME, përmes zgjedhjes së saj “Personi i Vitit”, ndriçon ata që formësojnë botën ku jetojmë. Dhe këtë vit, ndikimi më i madh nuk i përkoi një individi të vetëm, por atyre që projektuan, ndërtuan dhe udhëhoqën revolucionin e inteligjencës artificiale.
E ardhmja e AI, thekson revista, do të përcaktohet nga njerëzimi. Secili prej nesh ka rol në mënyrën se si kjo teknologji do të zhvillohet dhe do të ndërthuret me jetën tonë. Ne e kemi ushqyer dhe trajnuar këtë epokë të re dhe sot, po ecim në një realitet që formësohet përditë nga rimarrja e ritmit të saj.
Për solljen e epokës së makinave që mendojnë, për magjepsjen dhe frikën që u dhanë shoqërive njerëzore, për transformimin e së tashmes dhe provën se e pamundura mund të tejkalohet.
