Pas një shkëputjeje të gjatë nga televizioni Arjola Shehu do i rikthehet ekranit.
Pas suksesit në “Netët e klipit shqiptar” bukuroshja do të prezantojë projektin e madh televiziv të “Miss Shqipëria 2019”.
Nëpërmjet një postimi në Instagram moderatorja ka zbuluar se organizatorët ia kanë besuar asaj skaletën e eventit i cili do të kurorëzojë më të bukurën shqiptare.
“Sa e lumtur jam që prezantimi i “Miss Shqipëria 2019” më është besuar mua. Mbrëmjen e 6 korrikut ju pres në Libohove, ku do të përzgjedhim më të bukurën shqiptare. Faleminderit Alda Bida dhe Petrit Bozo”, shkruan Arjola në Instagram.
“Miss Shqipëria 2019” do të mbahet në 6 korrik dhe vendi ku do të zhvillohet është Libohova. Ky vend dallohet për natyrën e veçantë dhe kalanë shumëvjeçare që në mbrëmjen e 6 korrikut do të mbledhë vajzat më të bukura shqiptare.
