Opinionisti i njohur Arjan Konomi së fundmi ka tërhequr vëmendjen e publikut, pasi nuk është parë më në rolin e opinionistit në ‘Përputhen’. Në disa media po qarkullon informacioni se ai mund të ketë shkëputur kontratën e punës me televizionin ‘Top Channel’.
Është vënë re se prej disa javësh, Konomi mungon në “Përputhen” në rolin që e ka nga viti 2020. Mesa duket largimi nga ky pozicion, ka bërë që ai të nisë dhe udhëtimet, e një prej tyre ka nisur sot, pasi ka marrë rrugë drejt Suedisë.
Edhe ndjekësit e tij e kanë vënë re mungesën, madje i kërkojnë që të rikthehet.
“Ktheu në përputhen Arjan se s’vlen 1 lek pa ty”
“Po në Përputhen pse nuk jeni me? Na mungon”
Kujtojmë se ai u bë kryefjalë në media për shkak të kritikave që ka pasur kundrejt opinionistëve të Big Brother VIP Albania. Ai i ka konsideruar Arbër Hajdarin dhe Zhaklinë Lekatarin si opinonistë të diskutimit me niveli të ulët mediokër.
“Tek i dëgjoja mu duk sikur po shikoja njerëz të rëndomtë, mediokër që diskutojnë në një lokal periferie dhe japin e marrin, thonë e stërthonë, e kthejnë e debatojnë në mënyrën më vulgare në një spektakël që imagjo se sa shije të hidhur që të lë”, shprehej ai në rrjetet e tij sociale.
