Ndryshe nga herët e tjera, kur Arjan Çani vë në siklet personazhet e ftuara në emisionin “Zonë e Lirë”, këtë herë ai është befasuar nga e ftuara. Këngëtarja shqiptare Anxhela Peristeri, e cila ndodhej në studio për të promovuar versionin anglisht të këngës “E çmendur”, nisi një lumë komplimentash për moderatorin shqiptar.
“Je bërë shumë i bukur sot“ – komplimentoi Anxhela, Çanin.
“Po gënjen, unë kam edhe thinja“ – përgjigjet Arjan Çani.
“Meshkujt me thinja janë më sharmantë“ – tha Anxhela.
“Nuk e prisja të më gjuaje kështu në studio. Tani çfarë duhet të bëj unë, të ngrihem të të puth sipas traditës?” – shprehet moderatori i “Zonë e Lirë”.
Para se të niste intervistën me këngëtaren, Çani iu drejtua Anxhelës me këto fjalë: “Je gati zemër? Zhvishemi?” Moderatori e sqaroi menjëherë këngëtaren se po fliste për “zhveshjen” e emocioneve.
