Arilena Ara dhe Alban Skënderaj publikuan 1 javë më parë bashkëpunimin e shumëpritur të tyre, “A i sheh”. Menjëherë me publikimin artistët morën komplimente nga fansa të tyre, duke qenë se dhe vetë kënga përcjell një mesazh shumë pozitiv. Videoklipi i tyre po ashtu ishte shumë i veçantë dhe i gjithë është xhiruar në disa zona turistike më të bukura të Kosovës.
Këtë projekt edhe vetë Arilena me Albanin duket se e kanë shijuar në maksimum, pavarësisht se ju është dashur të bëjnë sakrifica. Ditën e sotme Arilena ka publikuar disa nga prapaskenat e xhirimeve të videoklipit, që duket se kanë qenë shumë “funny”. Këngëtarja ka postuar dy video dhe ka treguar se çfarë bënte ajo gjatë kohës që Albani ishte duke xhiruar pjesët e tij në temperatura -7 gradë celcius.
Në video Arilena shihet duke luajtur me menaxherin e saj, Popi Kola dhe fotografn Altin Çelmeta
“Ne gjatë kohës që Alban Skënderaj xhironte në temperaturat -7”, ka shkruar Arilena duke qeshur.
Duket se ajo i ka shijuar shumë këto momente gjatë xhirimeve të klipit, ndaj nuk ka nguruar t’i ndajë edhe me ndjekësit e saj. Ndërkohë kujtojmë se para disa muajsh Arilena Ara dhe Popi Kola sqaruan një herë e mirë raportin e tyre, duke qenë se prej kohësh përfliteshin se ishin në një lidhje. I ftuar në emisionin “Ftesë në 5” menaxheri i këngëtares, Popi, u shpreh se Arilenën e ka parë gjithnjë si fëmijën e tij, sepse nuk mund të kishte ndjenjë tjetër për një vajzë të vogël.
Ndërsa Arilena e përshkroi kështu raportin e saj me Popin: “Absolutisht si një nga marrëdhëniet më të pastra, të bukura, naive dhe të pafajshme dhe absolutisht dashuritë më të mëdha që mund të ekzistojnë përtej çdo gjëje, përtej dashurisë që ka madje një prind për fëmijën e tij”.
