Në fund të vitit 2018, Cristiano Ronaldo rezultoi personazhi më i ndjekur në rrjetin social Instagram.
Ndërsa në fillim të këtij viti, futbollisti i famshëm ka thyer një tjetër rekord, duke u bërë personi i parë që ka arritur plot 200 milionë ndjekës në llogarinë e tij.
Tashmë ai numëron 237 milionë ndjekës dhe është figura më e ndjekur në Instagram.
Refordin e tij duket se e ka kapur së fundmi këngëtarja Ariana Grande, e cila ka arritur 200 milionë ndjekës në këtë rrjet social, duke u bërë femra e parë me këtë rekord dhe e dyta pas Cristianos.
27-vjeçarja ka lënë pas Kylie Jenner me 193 milionë ndjekës dhe këngëtaren Selena Gomez, e cila ka 190 milionë.
Megjithatë, duket se The Rock do jetë personazhi i tretë me 200 milionë ndjekës në Instagram, sepse aktualisht ka 196 milionë fansa.
E vetmja faqe që ka më shumë ndjekës se Ronaldo është llogaria zyrtare e “Instagram-it”, e cila numëron 362 milionë ndjekës.
