Ariana Grande rikthehet në Manchester, aty ku para pak ditësh, koncerti i saj përfundoi në një tragjedi të vërtetë, pas një shpërthimi terrorist.
Këngëtarja ka vendosur të mbajë një koncert bamirësie më 4 qershor, të ardhurat e të cilit do të shkojnë në ndihmë të të prekurve nga shpërthimi.
Në këtë rikthim të dytë në Manchester, Ariana ka surprizuar të plagosurit e 21 majit, duke i vizituar në spital dhe bërë foto me ta.
Gjithashtu ajo kishte menduar për ta edhe duke u bërë dhurata. Një prej vajzave që u shpëtoi sulmit shkroi përkrah fotos: “Takova mbretëreshën time sot”.
Ariana Grande mbajti një koncert më 21 maj, në “Manchester Arena”, ku si rrjedhojë e një shpërthimi terrorist, humbën jetën 22 persona dhe mbetën të plagosur dhjetëra të tjerë.
Burimi: Daily Mail
