Ariana Grande anuloi dy prej koncerteve të radhës të turit “Sweetener”, për shkak të problemeve shëndetësore. Ajo nuk do të këndojë në Tampa dhe Orlando, pasi siç shkruajti në Instagram, i duhet patjetër të pushojë.
“U zgjova tmerrësisht e sëmurë sot, shkova me vrap tek doktori dhe ai më tha t’i shtyj koncertet e sotme dhe të nesërme.”, shkruan Grande, “Jam e shkatërruar.”
Dy koncertet do të mbahen në një të ardhme jo shumë të afërt, për shkak se i duhet të vijojë me turin.
Që kur filloi turin Sweetener në mars, Ariana Grande po e përjeton shumë si fizikisht, ashtu edhe emocionalisht.
Në prill, ajo i shprehu një fanseje në Twitter shqetësimin se i duhen shumë energji për të përballuar gjithë koncertet.
