Disa ditë më parë, familja e këngëtarit të njohur, Ermal Fejzullahut, u shtua me një anëtar të ri.
Bashkëshortja e tij, Ariana, solli në jetë një vajzë, e cila është fëmija i katërt i çiftit, pas një djali dhe dy vajzave të tjera.
Dyshja e pagëzoi të voglën me emrin Ana dhe menjëherë pas lindjes, Ariana s’ka ngurruar të ndajë foto të së bijës në profilin e saj në Instagram.
Ajo i ka realizuar asaj një set fotografik profesional, ku vogëlushja shfaqet në një shportë të butë prej cope, me kapuç në kokë dhe një lodër pellushi pranë vetes.
“Mirëmëngjes nga bebushja ime Ana”- shkruan Ariana krahas fotos së ëmbël të ëngjëllit të saj që ka rrëmbyer zemrat e ndjekësve.
