Dueti “Zero Gradë” nga Arilena Ara dhe Pirro Çako, edhe pse ishte një ndër projektet muzikore më të pëlqyera prej publikut nuk arriti të këndohej, një vendim i marrë nga dy protagonistët për tërheqje nga gara në mënyrë të befasueshme, një lajm ky që u bë me dije fillimisht nga ICONSTYLE.
Megjithatë, këngëtarja Arilena Ara, përmes një postimi në Instagram, falënderoi fansat për mbështetjen dhe njëkohësisht reagoi ndaj deklaratës së Gjebreas, ku ky i fundit deklaroi se dyshja u tërhoq nga gara për arsye shëndetëore.
Në mënyrë indirekte, Arilena thumbon producentin me fjalët: “Urojmë që i gjithë ky suport e kujdes ndaj nesh t’ju kthehet veç në dashuri e shëndet, të cilat i gëzojmë të dy si kurrë më parë.” Në fund të postimit të saj, Arilena la të hapur mundësinë për projekte të tjera muzikore, duke thënë: “Deri në takimin tjetër: ‘PLOT gradë’ dashuri për ju!”.
