Ardian Bujupi është një ndër këngëtarët më në zë të momentit. Ai është përfolur për lidhje edhe me ish-konkurrenten e Për’Puthen, Jasmin Kadriun por edhe me balerinën Sabrine Khan.
Por tashmë këngëtari është fotografuar me një tjetër femër. Kush është ajo?
Panorama plus ka publikuar foton e këngëtarit që shihet me vajzën misterioze.
A kemi të bëjmë me një videoklip? Nuk i dihet.
Më herët, Ardiani ka folur për jetën e tij personale dhe profesionale për “Prive”. Ai ka thënë se Jasminën e ka mikeshë dhe me të takohet kur vjen në Tiranë.
Nga ana tjetër, ai tha se edhe Jasminën por edhe Sabrinën i çmon të dyja
“E dashura ime duhet të jetë e dashur, e civilizuar, e respektueshme. Jasmina dhe Sabrine i çmoj të dyja dhe kam një lidhje shumë të mirë. Me Jasminën takohemi çdo herë kur vij në Shqipëri dhe e kam shoqe. Dasmën sidomos nënës sime kam qejf t’ia plotësoj si dëshirë, por duhet edhe të mos kem presion dhe të mendoj për veten. Jam dakord të krijoj familje, por ende nuk ka ardhur momenti.”-ka rrëfyer Ardian Bujupi më herët.
Më herët, ai ka qenë i ftuar në festën private të Noizy-t, ku ky i fundit prezantoi disa detaje nga koncerti i tij “Alpha Show” për shumë personazhe VIP.
Ardiani ka dhënë një intervistë të shkurtër për “Abc News”, ku ka folur për reperin Noizy. Këngëtari tha se Noizy është shumë i shpejtë sa i takon të shkruarit të teksteve.
“Nëse nuk pëlqen diçka, duhet me respekt me fol edhe me artistin, bashkëpunëtorin, producentin, atë e ka Noizy si unë. Nuk ngatërrohemi për sene të vogla kurrë. Ama Noizy çfarë mundem me të kallzu për studio është shumë i shpejtë në tekst. E di kur është kënga hit.” – tha këngëtari Ardian Bujupi.
