Këngëtari i njohur Ardian Bujupi në bashkëpunimin e tij me Xhensila Myrtezajn për këngën “Çika-Çika”, ka pasur një sukses mjaft të madh, duke kapur mbi 70 milion klikime në You Tube.
Mbrëmjen e kaluar, Ardiani ishte i ftuar në emisionin “Why Not”, prej ku deklaroi se do të bëjë një version tjetër të këngës në fjalë, pasi ajo ka rezultuar mjaft e suksesshme.
Por prisni! Surpriza nuk është vetëm kjo. Bujupi ka pohuar publikisht se do bashkëpunojë me këngëtarin me famë botërore, Farruko dhe po ashtu zbuloi se kënga pritet që të publikohet më 22 shkurt.
“Me Farruko e kemi kryer videoklipin. Ai është shumë njeri modest. Ai mua më thotë faleminderit për shansin që po më jep! Imagjinoje. Faktikisht bëhet fjalë për remiksin ‘Çika-Çika’ që pritet të publikohet me 22 shkurt”, është shprehur ai.
Ndërkohë nuk na mbetet gjë tjetër veçse të presim hitin e ri.
https://www.instagram.com/p/BpDQHjkC2-z/
