Arbër Sulstarova ishte një nga konkurrentët pjesë e “Big Brother VIP Albania”, i cili edhe pse pas një një kohe të shkurtër në shtëpi, u përfol shumë për rrugëtimin e tij.
Ditën e sotme, i ftuar në “Fan Clab Big Brother VIP Albania”, Arbri ka folur rreth eksperiencës së tij në shtëpinë më të famshme në Shqipëri, duke u përqëndruar tek marrëdhënia e tij e ngushtë me Ilirin.
I pyetur nga Dojna Mema, tenisti u përgjigj se mendonte që do të krijonte miqësi me Arjolën kur e kishte parë nga jashtë, ndërkohë që me Ilirin e bashkoi regjimi i ditës dhe rutina e përbashkët.
“Unë kam patur një mendim për gjithësecilin kur hyra brenda. Mua më pëlqente më shumë Arjola nga jashtë, mendoja se mund të shkonim shumë mirë por u lidha më shumë me Ilirin duke qenë se ana disiplinore, ana energjike dhe ana sportive na bashkonte shumë; vrapin e bëshim bashkë, në mëngjes çoheshim të parët bashkë.
Edhe Iliri mori shumë nga mua, është njeri fantastik, do e kem shok dhe jashtë. I kemi dhënë krah njeri-tjetrit”- tha ai.
Arbri u shpreh gjithashtu se beson që miqësia e tij me Ilirin e ka penalizuar me banorët e tjerë aty brenda, por jo me publikun.
