Arbenita Ismaili duket se ka rënë pre e një skeme mashtrimi.
Modelja denoncoi sot publikisht në Instagram një zotëri me emrin Sedat duke publikuar foton dhe numrin e tij të telefonit, me të cilin komunikoi në Whatsapp.
Për etikë ne nuk do ta publikojmë foton e postimit ku duket fytyra e burrit, së paku derisa të vërtetohen akuzat.
Sipas Arbenitës, zotëria në fjalë i kishte shkruajtur për t’i kërkuar ndihmë për një vajzë të vogël të sëmurë dhe Arbenita siç duket ka publikuar rastin e saj në rrjetet sociale duke e ndihmuar në grumbullimin e një shume parash.
Mirëpo pas kësaj, ai i kishte kërkuar para përsëri duke i thënë se operacioni nuk kishte shkuar mirë.
Sipas Arbenitës, kur pas kësaj ajo kishte kërkuar të komunikonte me mjekun përgjegjës të vajzës dhe t’i tregoheshin dokumentet, nuk kishte marrë më përgjigje.
“Ky person është mashtrues!”, shkruajti Arbenita në postimin e saj në Instastory, “I ka mbledhur të hollat, mandej ka gënjy se operacioni ka qenë pa sukses dhe ka kërkuar prapë. Mandej kam kërkuar të flas me doktorin dhe t’i shoh dokumentet, nuk është lajmëru!”
Arbenita vijoi duke publikuar edhe një bisedë, ku përgjigjet që i kishin ardhur nuk ishin më në emër të zotërisë me të cilin kishte folur në fillim, por të dikujt që thoshte se ishte mamaja e vajzës së sëmurë.
“Më falni, por as dëgjoj e as nuk foli unë”, i kthen përgjigje ajo.
“A mundet t’bisedoj me dikë në telefon?”, e pyet Arbenita.
“Me djalin”, është përgjigja ku Arbenita ka lënë edhe një koment: “Turp!”.
Duket se kërkesa për ndihmë herën e dytë e ka shtyrë Arbenitën të dyshojë e t’u hyjë kërkimeve, mirëpo sqarimi i saj me prova vërtetësie është shmangur.
