Një nga presionet më të mëdha të rrjeteve sociale është perfeksioni, sidomos sa u takon formave trupore.
Fotoja perfekte nuk mund të jetë e tillë pa një trup perfekt, qoftë edhe të rregulluar me filtra dhe fotoshop në shumicën e rasteve.
E padyshim më të prekurit nga kjo ‘sindromë’ duket të jenë personazhet publike, që shpesh akuzohen për përdorim të efekteve dhe filtrave, që i largojnë ata nga ajo çka janë në të vërtetë.
Shumë prej tyre nuk e pranojnë këtë gjë, por ka edhe personazhe të rralla që nuk kanë komplekse ta thonë se “PO”, përdorin fotoshop.
Mes këtyre personazheve është edhe modelja e njohur Arbenita Ismajli, e cila jo vetëm e pohoi diçka të tillë, por edhe na tregoi se si të editojmë një foto, duke marrë si shembull editimin e saj të fotos së fundit.
Duke qenë se Arbenita është një nga modelet më të bukura shqiptare, nuk na e kishte marrë mendja se mund të përdorte fotoshop, por ja surprizë…
Megjithatë, vlen të theksohet se ndryshimi “Para/Pas” nuk është shumë i madh.
Nëse keni nevojë për një leksion fotoshopi hidhini një sy videove të Arbenitës!
