Moderatorja e njohur Arbana Osmani para dy vitesh u bë nënë e një djali, të cilin e pagëzoi me emrin Jon. Pse kjo zgjedhje, a ka një domethënie të veçantë për moderatoren?
Arbana së bashku me Alban Dudushin ishin të ftuar dje në “100 milionë” dhe zbuloi edhe kuptimin e veçantë të emrit të djalit të saj. Ndërkohë që në ekran u shfaq pyetja se cilat janë vargjet e këngës “Jon”, Arbana i gjeti menjëherë duke zbuluar edhe arsyen se përse ia ka vendosur emrin djalit Jon.
“Ngaqë më pëlqen shumë kënga Jon e Ardit Gjebreas, e kam të preferuarën time, më pëlqen shumë deti Jon, më pëlqen emri Jon, prandaj vendosa ta quaj Jon”, tha ajo për emrin e të birit.
Vitet e fundit emri Jon është bërë familjar, madje është një emër i preferuar edhe mes artistëve. Këngëtari Alban Nimani e ka pagëzuar të birin gjithashtu me emrin Jon.
