Arbana Osmani është ndër ato personazhe televizivë që nuk ka preferuar të eksperimentojë shpesh me pamjen e saj. Ajo ka qëndruar origjinale dhe publiku e ka vlerësuar gjithmonë për thjeshtësinë që shfaq në ekran. Në raste shumë të rralla ajo ka përzgjedhur të eksperimentojë me flokët e saj, si disa vite më parë kur vendosi të bëhej tërësisht bjonde.
Ndonëse jemi mësuar ta shohim më shumë tek nuancat e brunes, edhe bjondja i qëndronte më së miri. Ndaj Arbana po mendon që të bëhet sërish bjonde, por fillimisht po kërkon mendimin e ndjekësve. Ajo ka publikuar në Instagram disa foto nga koha kur ndryshoi ngjyrën e flokëve dhe përkrah ka shkruar:
“A duhet të bëhem prapë bjonde? (që t’i djeg dhe këto që më kanë mbetur domethënë)”.
Pjesa më e madhe e ndjekësve të saj kanë zgjedhur që të mos e ndryshojë ngjyrën, por sigurisht vendimi final i takon vetë Arbanës. Në puntatën e fundit të emisionit “Dua të të bëj të lumtur”, Arbana u shfaq si kurrë më parë me një fustan që e kishte veshur 7 vite më parë.
View this post on Instagram
Moderatorja theu kështu mitin se i njëjti fustan nuk mund të vishet dy herë ekran, diçka që ekziston si një rregull i pashkruar mes personazheve të njohur. Arbana jo vetëm që veshi të njëjtin fustan, por edhe e tregoi me krenari në rrjete sociale, për faktin që vazhdon të ketë ende të nëjta linja edhe pse sot është nënë e dy fëmijëve.
