Duket se Arbana Osmani po mendon të ndryshojë look ose të paktën kështu na ka lënë të mendojmë.
Moderatorja ka publikuar një foto të vjetër ku shihet bjonde në një nga netët kur prezantonte ‘Big Brother’, teksa ka pyetur ndjekësit nëse duhet t’i rikthehet këtij look-u.
Kohët e fundit moderatoren e dashur të publikut shqiptar e kemi parë me flokë të errëta dhe duhet ta pranojmë se na ka munguar ky look.
Megjithatë, nuk e dimë për ju, por ne nuk mund t’i japim dot ndihmë sepse na pëlqen sido të jetë. Madje edhe komentuesit kanë qenë të këtij mendimi.
Kujtojmë se Arbana shumë shpejt pritet të bëhet nënë për herë të dytë.
Megjithëse e ndau lajmin e bukur në ditën e lindjes së partnerit, Eduartit, Arbana ka vendosur të jetë e rezervuar lidhur me detaje të tjera rreth shtatzënisë së saj.
Ende nuk është konfirmuar nga çifti gjinia e bebushit, por lart e poshtë po flitet se moderatorja dhe Eduarti po presin një djalë. Ky do të jetë djali i dytë i Arbanës, pas vogëlushit Jon nga martesa e saj e parë dhe fëmija i parë për Eduartin.
Po ashtu, moderatorja është në muajin e fundit të shtatzënisë pasi më herët është shprehur se këtë verë, në vend të pushimeve do të shkojë në maternitet për të lindur.
