Moderatorja e njohur, Arbana Osmani ka udhëtuar për herë të parë jashtë Shqipërisë, me vajzën e saj Zoin.
Në këtë udhëtim të veçantë duhet thënë për moderatoren, ajo ka zgjedhur Italinë si destinacionin e tyre. Ka qenë vetë Arbana e cila ka ndarë disa imazhe në Instastory, ku duket me Zoin në krahë.
“Rikthehem në Itali me Zoin,”-shkroi moderatorja krahas imazhit.
Kujtojmë që më 1 shtator të këtij viti, moderatorja solli në jetë vajzën e saj, të cilën e ka me Eduart Grishajn. Ajo ka edhe një djalë Diellin me regjizorin dhe Jonin më të madhin nga martesa e saj e parë.
Që prej fillimit Arbana e ka prezantuar të bijën me publikun duke ndarë foto në rrjetet sociale.
Më herët e pyetur në lidhje me kthimin në peshë normale pas shtatzënisë, Osmani u shpreh:
“Atëherë kjo është pyetja më e shpeshtë, dhe deri tani e kam evituar përgjigjen, sepse nuk kam dashur të vë nën presion apo të bëj të ndjehen keq gra dhe vajza që gjatë shtatzënisë kanë përjetuar ndryshimin në peshë me stres.
Gjatë të tre shtatzënive të mia kam marrë rreth 10 kg. Jam kujdesur të ha shëndetshëm që nga dita e parë deri tek e fundit pasi përgjegjësia e rritjes së një krijese brenda meje ka qenë shumë e madhe dhe kam dashur të shkojë çdo gjë mirë,”-u shpreh Arbana.
Më tej moderatorja vijoi: “Pas të treja lindjeve jam rikthyer në peshën e mëparshme , por jo në linjat e mëparshme. Që do të thotë barku është gjithmonë aty bashkë me celulitin. Rikthimi në formë prej vërteti kërkon kohë dhe sport dhe trajtime të cilat nuk kam as kohë as mundësi t’i bëj tani, kështu që nga trupi perfekt jemi larg. Por nuk mërzitemi se nuk është se kisha një trup modeleje para se të bëhesha me fëmijë.”
