Arabia Saudite ka nisur shfaqjen e filmave gjatë kësaj fundjave në një teatër të improvizuar, pasi një ndalimi 35-vjeçar të kinemasë.
Teatrot e para të përhershme mund të hapen në mars, si pjesë e një lëvizje reformuese liberalizuese që tashmë ka hapur derën për koncerte, shfaqje komedi dhe drejtimin e automjeteve nga gratë gjatë vitit të kaluar.
Tani për tani, autoritetet po sponsorizojnë mjedise të përkohshme, si sallat kulturore shtetërore në qytetin e Jeddah-ut, të pajisura me një projektor, një tapet të kuq dhe një makineri për kokoshka.
Për habinë e të gjithëve, filmi i parë që u transmetua pas 35 vjetësh, është një film i animuar “The Emoji Movie”, që konsiderohet më tepër një film për fëmijë dhe që nuk u prit mirë nga kritikët.
Siç vë në dukje The New York Times, shkarkimet në internet dhe sateliti kanë bërë të mundur që qytetarët të shikojnë filma, edhe pse pa pasur kinema apo teatër. Në dhjetor, Ministria e Kulturës dhe Informacionit lëshoi një deklaratë që tha se filmat “do të jenë subjekt i censurës bazuar në politikat mediatike të mbretërisë”, sipas Times.
