Një vit pas sherrit të bujshëm mes kushërirave, Anxhelina dhe Beatrix, mbërriti lajmi I mirë.
Përmes një postimi dje në Instagram, mami I Beatrix, Antigona tregoi se dy kushërirat kishin dalë së bashku me mamatë e tyre dhe kishin kaluar kohë me familjen.
Dukej sikur gjithçka ishte rregulluar dhe këtë e përforcoi sot edhe një postim i Anxhelinës.
Kjo e fundit ka treguar sot se po kalonte paraditen me vajzën e tezes që dikur e kishte fshirë nga Instagrami.
“Me gocën e tezes që më kishte bërë unfollow”, shkruante Anxhelina në videon ku shfaqej në të njëjtën makinë me Beatrix.
Për arsyen e sherrit u tha se ishte miku i ngushtë i Anxhelinës, grimieri i famshëm Ariel.
Sipas burimeve, Beatrix i kishte kërkuar Ariel-it ta ndihmonte për karrierën e saj në Amerikë, mirëpo kjo nuk i kishte pëlqyer Anxhelinës, e cila ishte bërë xheloze.
Vajzat preferuan të mos e komentojnë këtë ngjarje në media, por një vit pas sherrit të bujshëm duket se gjërat janë rregulluar.
