Anxhela Peristeri ka hedhur në treg videoklipin e këngës me të cilën ajo triumfoi në spektaklin “Kënga Magjike 2017”. Ajo vjen në një version të ri, në gjuhë të huaj dhe me një klip muzikor mjaft profesional.
“Insanley in Love”, quhet projekti i ri i Anxhelës, e cila vjen si një bashkëpunim me tenorin e njohur shqiptar, Kastriot Tusha dhe që synon tregun ndërkombëtar, pasi ka version anglisht dhe italisht.
Pritet që me këtë këngë Anxhela të marrë vëmendjen edhe të vendeve të tjera të botës dhe shpresohet të ketë të njëjtin sukses sikurse tek “Kënga Magjike”.
Nëpërmjet një postimi në Instagram këngëtarja e njohur ka falënderuar Kastriot Tushën për bashkëpunimin, por edhe Kledi Bahitin për kompozimin dhe orkestrimin.
Shumë shpejt pritet që Anxhela të hedh në treg edhe disa projekte të tjera muzikore.
