Anxhela Peristeri “ndez” Eurovision-in, “Karma” ngjitet në skenë për herë të parë

Anxhela Peristeri do të përfaqësojë Shqipërinë këtë vit në “Eurovision” me këngën “Karma”. Ajo do të ngjitet në skenën e madhe në natën e dytë, në datë 20 maj dhe do të jetë e 11-ta në radhë për të kënduar. Në të njëjtën mbrëmje me të do të këndojnë edhe Greqia, Serbia, Bullgaria, Zvicra etj.

Teksa kanë mbetur edhe pak ditë nga nisja e festivalit ndërkombëtar të këngës,  para pak ditësh, ajo ka treguar se është nisur për në Rotterdam, Hollandë, përmes një postimi në Instagram.

“Le të fillojë rrugëtimi”, ka shkruar Anxhela krahas fotos, ku shfaqet e ulur mbi valixhe teksa mban një flamur kuq e zi në dorë. Vihet re se në bluzë mban të shkruar titullin e këngës përfaqësuese “Karma”.

Anxhela ka mbajtur provat e saj të para ditën e sotme në skenën e Ahoy me këngën përfaqësuese “Karma”. Përmes disa postimeve në InstaStory, Anxhela ka ndarë këtë moment me të gjithë ndjekësit e saj duke falenderuar të gjithë ata që e kanë mbështetur.

“Përshëndetje të gjithëve. Ne sapo mbaruam provat tona të para dhe këtu jam me të gjithë ekipin tim. Ishte fantastike dhe unë e shijova shumë. Faleminderit dhe ju dua të gjithëve”, ka thënë Anxhela.