Anxhela Peristeri është shfaqur me një imazh krejt të ri kohëve të fundit.
Më e kuruar se kurrë më parë, këngëtarja ka pozuar kohëve të fundit në shërbime fotografike që kanë ngjallur dyshime për Photoshop.
Mirëpo, mesa duket nuk është aspak çështje Photoshop-i porse Anxhela i është shtruar me këmbëngulje një diete që po e mban me rigorozitet tashmë prej 7 muajsh.
E ftuar tek “Zonë e Lirë”, Anxhela Peristeri u pyet nga Çani sesi ia ka dalë të humbasë kaq shumë peshë dhe u përgjigj:
“Faktikisht, duket sikur është shumë e vështirë të dobësohesh. Por faktikisht, nuk është e vështirë. “
Pas ngacmimit të Çanit i cili i tha se nuk duhet të kënaqet kaq shpejt sepse do të vijë një fazë kur do të shëndoshet prapë, ajo iu kthye:
“Jo, u bënë 7 muaj tanimë.”
Anxhela tregoi se përveç stërvitjes, ka një ushqim të caktuar që e ka eliminuar krejtësisht nga regjimi i saj:
“Por, duhet të vazhdosh stërvitjen dhe sigurisht, të eliminosh në mënyrë drastike brumërat”, ishte këshilla e Anxhelës.
Këngëtarja ishte e ftuar për të promovuar klipin e saj të ri, “Maraz”, ku ajo shfaqet duke kërcyer me hapat latine me kërcimtarin Niko Spiro.
