Që Dua Lipa është një patriote e jashtëzakonshme kjo dihet botërisht tashmë dhe s’ka nevojë për diskutime.
Por pak nga pak ajo po “ia injekton” këtë dashuri për vendin e saj edhe partnerit Anwar Hadid.
Vitin e kaluar kur sapo kishin nisur lidhjen e tyre, Anwar erdhi në Kosovë bashkë me familjen e Duas për Sunny Hill Festival, ku e pamë edhe teksa kërcente krah Duas valle tradicionale shqiptare.
Më pas kemi parë teksa ai ka veshur bluzë me shqiponjë, të stiluar nga dy stilistë shqiptarë.
Dhe sot, këngëtarja me famë botërore e ka çuar në një nivel tjetër njohjen e Anwar me kulturën tonë, pasi ka shkuar me të në një restorant shqiptar në New York.
Ata kanë ngrënë qebap dhe ushqime të tjera tradicionale dhe këtë ia kanë treguar të gjithëve në llogaritë e tyre përkatëse në Instagram.
20-vjeçari e ka pëlqyer shumë kuzhinën shqiptare dhe kjo duket edhe në entuziazmin e tij në videot e postuara.
Ata u bashkuan pak ditë më parë, pasi qëndruan disa javë të ndarë sepse Duas i duhej të zhvendosej në Britani për të finalizuar disa projekte, ndër të tjera edhe koncertin virtual “STUDIO 2054”.
Dhe si duket nuk kanë vonuar të shijojnë disa specialitete të kuzhinës sonë.
Disa kohë më parë Dua tregoi në intervistë se dy ushqimet e saj të preferuara shqiptare janë ajvari dhe pitet.
View this post on Instagram
Tani vetëm një gjë i ka mbetur Anwar pa bërë: Të flasë shqip. Me siguri që edhe këtë do e shohim në të ardhmen.
