Këngëtarja shqiptare Dua Lipa dhe vëllai i modeleve Hadid, Anwar, po shijojnë prej kohësh lidhjen e tyre të dashurisë.
Romanca e çiftit është ndër më të komentuarat në media e rrjete sociale, ndërsa Dua dhe Anwar janë kthyer në “couple goals”.
Ata e kalojnë thuajse të gjithë kohën me njëri-tjetrin dhe janë tepër të përkushtuar në marrëdhënien e tyre, duke i treguar të gjithëve sesi duhet të jetë një çift i vërtetë.
Anwar ka marrëdhënie tepër të mira edhe me familjen e Duas, dy prindërit, motrën e vëllain.
Së fundmi, ata kanë udhëtuar të gjithë së bashku për në Meksikë dhe ka qenë babai i Duas ai që ka ndarë në llogarinë e tij në Instagram disa foto me dhëndrin e miq të tjerë.
View this post on Instagram
Ajo që na bëri përshtypje është fakti që Anwar është shfaqur në njërin prej postimeve duke bërë me dy duar shqiponjën dykrenare dhe duke vërtetuar edhe njëherë se është dhëndri ideal!
Së fundmi fansave ju ka tërhequr vëmendjen një postim i Dua Lipës, që i ka bërë të gjithë të aludojnë se ajo është shtatzënë për herë të parë. Artistja me origjinë shqiptare ka postuar në Instagram dy foto të saj veshur me një fustan jeshil. Këto imazhe ajo i ka shoqëruar me figurën e biberoni me qumësht, një arushi dhe një fëmije si engjëll. Menjëherë pas kësaj, fansat kanë nisur të dyshojnë se ajo është shtatzënë dhe në këtë mënyrë po përpiqet të japë disa shenja në publik.
“Oh zot një bebe”, ka komentuar dikush. Ndërsa një tjetër ka komentuar, “Ajo është shtatzënë” dhe një ndjekës ja ka pasuar: “Të njëjtën gjë po mendoja dhe unë”.
Mirëpo pas këtyre komenteve Dua duket se është penduar dhe i ka fshirë menjëherë të gjitha figurat duke e lënë foton e saj pa asnjë përshkrim. Nuk dihet se çfarë e ka shtyrë këngëtaren drejt këtij veprimi, por kjo gjë po i shton akoma më shumë dyshimet e fansave të saj për një shtatzëni të mundshme.
Mos vallë Dua dhe Anwar po bëhen prindër?
