Ministria e Financave ka pezulluar procedurat për dhënien me qira të kabinave të drurit të Syri i Kaltër.
Vlera prej 600 eurosh e ofruar, është konsideruar shumë e ulët, duke marrë parasysh preferencat për këtë pikë turistike, shkruan ‘Top Channel’.
Kjo shifër është e barabartë me qiranë e një dyqani të vogël të dorës së dytë në Tiranë.
Për dhënien me qira të kësaj prone shtetërore ka dhënë leje edhe Ministria e Mjedisit.
Ministri Blendi Klosi e ka qajtur ankandin një ‘anomali të institucioneve’
Prej 20 vitesh, kabinat jepen me qira për çmimin qesharak prej 15 mijë lekësh.
Ndërkohë shoqëria shtetërore “Albtourist TO”ka katër vite në vështirësi financiare dhe po prej kaq vitesh punonjësit nuk marin rrogat.
Ndërsa ankandi për Syrin e Kaltër është anuluar, një tjetër pasuri shtetërore kërkohet të jepet me qera.
Bëhet fjalë për parkun e Drilonit, një hapësirë prej 2500m2.
Vlera e qirasë është 172.600 lekë në muaj, ndërsa mbi 1800 m2 të pronës janë funksionale për ushtrimin e veprimtarisë turistike.
Edhe për këtë rast, Ministria e Mjedisit ka dhënë miratimin.
Në njoftim thuhet se dhënia me qira do të bëhet me qëllim përdorimin e saj për aktivitete që gjenerojnë të ardhura dhe nxisin punësimin./gazetareforma
