Evi Reçi mori përsipër një detyrë të re rreth një javë më parë, për të zëvendësuar moderatoren Anila Çela në emisionin e pasdites.
Këngëtarja ka eksperiencë në fushën e gazetarisë, megjithatë kjo është një risi për të.
Por çfarë mendon Anila për Evin si moderatore?
Pak javë më parë në NRG radio, moderatorja u shpreh se i vendos notën 7 Evit, ndërsa pranoi se ajo ka disa defekte që mund t’i rregullojë duke u përpjekur të jetë vetvetja:
“Sipas meje Evi është tek 7-ta. Ka ende defekte ja kam thënë dhe Evit. Këshilla ime për të është: Sa më e thjeshtë, të jetë ajo që është , nëse ne përpiqemi të jemi jo ajo që jemi, aty të rrëshqasin gjëra nga duart”.
Pak ditë pas këtyre kritikave, Evi Reçi ka treguar më në fund sesi është të zëvendësosh Anilën. E ftuar në “Klubin e Mëngjesit”, këngëtarja u pyet se si është të drejtosh emisionin “Vizioni i Pasdites” dhe ajo u përgjigj:
“Nuk është e lehtë të zëvendësosh Anilën, por unë kam vendosur të sjell diçka nga vetja ime”.
Me sa duket Evi e ka marrë seriozisht detyrën e re që i është besuar dhe po punon për të sjellë më të mirën.
