Brad Pitt përflitet se po kërkon këshilla divorci nga vjehrri i tij Jon Voight dhe Angelina Jolie nuk është aspak e kënaqur për këtë gjë.
Sipas “Us Weekly”, 52-vjeçari dhe vjehrri i tij kanë patur gjithmonë një marrëdhënie të mirë me njëri-tjetrit, që prej vitit 2005 kur Jolie dhe Pitt nisën të shoqëroheshin me njëri-tjetrin.
“Brad i ka thënë Jon se ajo çfarë pëlqen më shumë tek Angelina është mënyra se sa pasionante dhe ekstreme është”, ka thënë një burim për revistën. Po i njëjti burim deklaroi se babai i Jolie i ka thënë Pitt se vajza e tij 41-vjeçare është po aq e çuditshme sa nëna e saj, Marcheline Bertrand, e cila është ndarë nga jeta në vitin 2007.
“Angelina është shumë e acaruar me babanë e saj. Atë e bezdis shumë fakti që ai ende vazhdon të flasë me Brad. Aktorja po flet me të atin, po jo shumë dhe nuk i thotë atij pothuajse asgjë, sepse nuk i beson shumë atij”, tha burimi.
Jolie firmosi divorcin katër javë më parë, duke i dhënë fund martesës dhe 12 viteve së bashku. Ata nuk kanë pasur asnjë kontakt që pas ndarjes.
Burimi: Daily Mail
