Brad Pitt punoi në prapaskenë që të afronte sërish Angelina Jolie-n me babanë e saj Jon Voight, të cilët nuk flisnin prej vitesh në atë që është konsideruar një prej sherreve familjare më famëkeqe të Hollywood-it. Por, ndonëse Brangelina nuk ekziston më, marrëdhënia që Brad e ndihmoi të rregullohej duket se më në fund po lulëzon.
Si rrallë ndonjëherë, Angelina dhe babai i saj u panë së bashku në Beverly Hills, të mërkurën. 41-vjeçarja dhe aktori i njohur u fotografuan teksa po shkonin për të ngrënë darkë së bashku me katër nga gjashtë fëmijët, Pax, Zahara, Vivienne, dhe Knox, në një restorant sushi.
Angelina ndërpreu marrëdhëniet me të atin tërësisht thuajse 7 vite më parë, kur adoptoi djalin e parë, Maddox. Një gjë e tillë ndodhi pasi 78-vjeçari në një intervistë u shpreh se e bija kishte probleme të rënda mendore dhe ai nuk po e ndihmonte dot.
Asokohe aktorja tha se deklarata e të atit mund t’i kishte kushtuar asaj kujdestarinë e të birit dhe kjo ishte e pafalshme.
Burimi: Daily Mail
