Angelina Jolie njihet si një person i ndjeshëm dhe gjithmonë në gatishmëri në ndihmë të personave në nevojë. Fondacioni britanik “Remembering Srebrenica” nga Britania e Madhe, ka organizuar një mbrëmje në nder të viktimave të masakrës së Srebrenicës.
Njëra nga folëset në këtë ngjarje do të jetë edhe Angelina Jolie.
Ajo ka folur në mbarë botën për gjenocidin e shkaktuar nga forcat serbe në Srebrenicë, madje ajo ka vizituar më herët edhe Qendrën Memoriale në Potoçar.
Kjo ngjarje do të mbahet pikërisht kur janë bërë 22 vjet nga masakra më e rëndë në Evropë që nga Lufta e Dytë Botërore.
Ishte vitit 1992 kur Serbia nisi luftën në Bosnje.
Në prill të vitit 1995 Organizata e Kombeve të Bashkuara deklaroi Srebrenicën në veri-lindje të Bosnjës si “zonë të sigurtë”. Zona ruhej nga paqeruajtës të OKB-së, të njohur si “kaskat blu”.
Megjithatë më 11 korrik 1995 në Serbrenicë të Bosnjës u ekzekutuan dhe u masakruan barbarisht mbi 8000 civilë të paarmatosur.
