Ajo duket se i është rikthyer sërish jetës së saj normale, pas divorcit të bujshëm. Angelina Jolie u mundua fillimisht të mos shfaqej në publik, por tashmë aktorja duket se ka vendosur që të shijojë ditët me fëmijët e saj, pa e munduar veten për paparacët.
Jolie u pa të dielën në Londër duke bërë “shopping”, me katër fëmijët e saj, Shiloh, 10 vjeç, Vivienne, 8 vjeç, Zahara, 12 vjeç dhe Knox, 8 vjeç.
Nëna e gjashtë fëmijëve Angelina u pa shumë e zënë në kryeqytetin britanik, ndërsa ishte nga koka te këmbët e veshur me të zeza.
Katër fëmijët, ku mungonin Maddox, 15 vjeç dhe Pax, 13 vjeç, mbanin veshur bluzë me kapuç me ngjyra të ndryshme.
Argëtimi kishte në qendër të vëmendjes fëmijët e Angelina Jolie dhe Brad Pitt, të cilëve u bleu dhurata nga dyqanet e lodrave.
*Shfleto galerinë
Burimi: Daily Mail
