Ata nuk flisnin bashkë prej më shumë se gjashtë vjet e gjysmë.
Por duket se Angelina Jolie ka rikthyer marrëdhëniet e mira me babanë e saj Jon Voight, pasi u shfaq me të në premierën në New York të enjten, për filmin e saj të ri ” First They Killed My Father”.
Ylli 42-vjeçar dukej e mrekullueshme me një fustan bust që shfaqte tatuazhin e madh në kurriz.
Ajo shoqërohej nga babai 78-vjeçar, i cili gjithashtu dukej në formë dhe i veshur me kostum blu. Me flokët gjysmë të kapura dhe elegante, Angelina e kishte plotësuar paraqitjen me një palë vathë diamanti dhe një varëse po me shkëlqim.
Megjithatë, duke provuar se eventi ishte familjar, Angelina gjithashtu solli të gjashtë fëmijët e saj në tapetin e kuq. Në fakt, Maddox 16 vjeç dhe Pax, 13 vjeç, kanë punuar së bashku me nënën e tyre në këtë film. Maddox, ishte producent ekzekutiv ndërsa Pax, ishte i kujdesshëm të fotografonte gjatë filmit.
