Angelina Jolie i ka kërkuar divorcin bashkëshortit të saj, Brad Pitt. Të paktën kështu shkruan një prej mediave më të njohura të fushës rozë, TMZ.
Me sa duket, arsyeja ka të bëjë me aftësitë prindërore të aktorit Pitt, raporton sajti i lajmeve. Jolie, 41 vjeç, i ka kërkuar gjykatës të drejtën e kujdestarisë së gjashtë fëmijëve që çifti kanë së bashku.
TMZ raporton madje se, Angelina nuk dëshiron që Pitt, 51 vjeç, të ketë kujdestari të përbashkët ligjore me të. Ajo kërkon madje që t’i ndërpresë të drejtën për t’i parë fëmijët.
Një prej çifteve më të njohura të Hollivudit, u martua në gusht të vitit 2014, ndërsa kanë nisur lidhjen në vitin 2004. Ata kanë gjashtë fëmijë së bashku dhe ky do të jetë një prej divorceve më të vëshitra por edhe më të diskutuara.
Burimi: Harpers Bazaar
