E ftuar në “Xing me Ermalin”, Anxhelina Hadërgjonaj ka mohuar se shkaku i ndarjes nga Fatmir Hysenbelliu ishte Angela Martini. Bukuroshja është shprehur se lidhja e tyre vazhdoi për disa kohë në distancë dhe kjo ndikoi shumë në marrëdhënien e tyre deri në ndarje.
“Ka qenë një lidhje serioze, por me Fatmirin arsyeja e ndarjes nuk ka qenë Angela. Me Fatmirin kemi qenë larg, ai ka pasur gjërat e tij këtu, unë atje dhe distanca bëri të veten”,tregoi Anxhelina.
Ndonëse ata nuk janë më bashkë, bukuroshja është shprehur se janë miq, i ruajnë kontaktet dhe e urojnë gjithnjë njëri-tjetrin për festa.
“I ruajmë kontaktet, madje para katër ditësh e pashë. Jemi miq, jo shumë të ngushtë, por e urojmë gjithnjë njëri-tjetrin për festa“, u shpreh ajo.
