Lori Bala është një nga pjesëtarët e jurisë së “DWTS” këtë vit. Në prag të fillimit të këtij spektaklit balerina ka qenë e ftuar në emisionin “Në shtëpinë tonë”, ku u foli për ftesën për të qenë pjesë e jurisë këtë sezon të ri të spektaklit të kërcimit.
Lori u shpreh se nuk do të bëjë kompromise me pikët dhe vlerësimin e saj. Bala shtoi se është ‘më e vështirë roli i jurisë’ e duke qeshur tha: “Kam Ilirin për rastet e rrezikshme, do i them merru ti”.
Pjesë nga intervista:
Julka: Vjen në pozicion të ri pas një eksperience të vjetshme si konkurruese dhe në natën finale apo gjysmëfinale, na iku memoria tani, t’u bë edhe propozimi për të qenë pjesë e jurisë së “Dancing With The Stars”. Si e prite?
Lori: Mirë e prita, me shumë emocione. Duket se është një nga ato ftesat që një herë në jetë të vjen dhe sigurisht që doja t’a bëja, t’a provoja si eksperiencë. Sigurisht nuk jam në konfort zonën time, aty ku dua të jem gjithmonë, në skenën e kërcimit. Por thashë ‘Lor pas kaq viteve eksperiencë, ulu njëherë dhe shikoje dhe vlerësoje nga ana tjetër’
Albani: Më e lehtë apo më e vështirë?
Lori: Më e vështirë
Albani: Më i vështirë ky pozicioni tani?
Lori: Më i vështirë
Albani: Po pse? Ti do vendosesh, do jesh si zonjë e do thuash ‘kjo më pëlqen, kjo s’më pëlqen. Ndërkoha atëherë ishe pak më e gjykuar, prisje shigjetat e të tjerëve
Lori: S’ka gjë. Unë mjaftoj të kërcej. Nëse kërcej nuk kanë rëndësi pastaj gjërat e tjera, por tani është përgjegjësi më e madhe.
Julka: Do kesh në juri Ilir Shaqirin, Valbona Selimllarin dhe Olta Gixharin, si ndihesh më këto?
Lori: Kam Ilirin për këto rastet e rrezikshme, do i them merru ti, unë nuk merrem.
Julka: Pra ti do të jesh ajo ‘policia e mirë’ në juri.
Lori: Edhe po, edhe jo. Varet nga performanca. Nuk do bëj kompromise.
