Ditën e sotme në media qarkulloi një lajm se Sinan Hoxha dhe Andrra Destani do të bëheshin prindër për herë të dytë. Burime për “ABC News” thanë se Andrra është në pritje të ëmbël dhe madje ishte zbuluar gjinia e fëmijës. U tha se çifti do të bëheshin sërish prindër të një djali, por asgjë nuk ishte konfirmuar prej tyre.
Vetë Sinan Hoxha ka vendosur të reagojë në lidhje me këtë lajm dhe të zbulojë si është e vërteta. Ai ka treguar se lajmet janë thjesht thashetheme dhe se nuk janë në pritje të një bebushi.
“Nuk është e vërtetë”, ka shkruar Hoxha, duke nënkuptuar se Andrra nuk është shtatzënë.
Edhe një vit më parë Sinani dhe Andrra u përfolën se do bëheshin prindër për herë të dytë, derisa këngëtari i hodhi poshtë të gjithë fjalët.
“Unë që fle me Andrrën çdo natë s’di gjë, portalet e dinë. Ç’të them, ishalla vjen një fëmijë tjetër kur ta ketë shkruar Zoti dhe jo gazetarët”, tha Sinan Hoxha asokohe.
Ndërkohë kujtojmë se dyshja e njohur janë prindër të një djali 4-vjeçar të quajtur Ansi.
