Ish-konkurrentët e “Për’puthen” vazhdojnë të jenë ndër emrat më të komentuar në mediat rozë. Dy prej tyre janë Ana Kauri dhe Andi Artani, të cilët nuk kishin raporte aq të mira në program.
Ky i fundit la disa javë më parë emisionin pasi hoqi plotësisht dorë nga Jasmina. Pas takimeve të shumta me njëri-tjetrin, ndjenjave të bukura e grindjeve të njëpasnjëshme, çifti u lodh duke vendosur ta ndërpresë aventurën televizive.
Ata dolën njëkohësisht, duke i treguar publikut se do të ruanin kontaktin me njëri-tjetrin, pasi gjithçka mund të ndodhte dhe pse jo, mund t’i shihnim bashkë sërish.
Në një intervistë të dhënë së fundmi për emisionin “NIN” ai ka folur për raportet me Jasminën, po ashtu iu është përgjigjur dhe shumë pyetjeve me spec.
Përsa i përket personit më fallco dhe dinak, ai përmendi Ana Kaurin.
Pas kësaj deklarate, nuk mungoi reagimi i Anës, e cila përmes një statusi në “InstaStory” tha se njerëzit nxjerrin vrer nga goja kur ua përplas të vërtetën në fytyrë, duke iu përgjigjur publikisht Andit.
Kujtojmë se para pak ditësh, Jasmina u kthye në “Për’puthen” për t’i bërë një surprizë mikes së saj, Olës për ditëlindje, ku dhe dha një deklaratë.
Ajo tha se Andi ndryshoi shumë pas daljes nga emisioni dhe sipas saj ndikoi fama në këtë pjesë. Më pas ajo përmendi faktin se Andi nuk i kishte treguar se do të ndihmonte këngëtaren, Diona Fona, për një projekt të ri dhe sigurisht që kjo e ka bërë të dyshoj. Jasmina tha se aktualisht ata nuk kanë komunikim fare me njëri-tjetrin.
Ajo tha se nuk është penduar për faktin se doli çift me Andin nga emisioni, sepse ndjenjat për Jasminën duket se vazhdojnë të jenë të njëjta kundrejt tij. Megjithatë ajo e pranoi se është zhgënjyer shumë prej tij.
Në faqen zyrtare të “Përputhen” u publikua videoja e deklaratës së saj dhe në sy të të gjithëve ka rënë një koment nga ish-konkurrentja, Ana Kauri. Ajo doli në mbrojtje të Jasminës dhe nuk ka lënë pa thumbuar Andin duke e quajtur aktor.
“Kur iu thoja unë që është aktor Andi, jo ju. Jasmin, zemra ime, ty të kenë nderin të afrohen e jo më të kenë”, ka shkruar Ana.
