Për çështje kultivimi kanabisi në Grudë të Re (Shkodër), ndaj studentit të Akademisë së Policisë, Gjergj Ndërshtiqaj dhe kunatit të tij Gjon Nika, u bë një atentat me breshëri plumbash mbrëmjen e 13 marsit.
Fatmirësisht, polici ‘hero’ që u kishte shpëtuar jetën më herët dy turistëve të huaj, arriti të shpëtonte bashkë me kunatin e tij ndërsa po mjekohen për plagët e marra. Mirëpo kjo nuk është hera e parë që policët tentojnë t’i eliminojnë, për të mos kapur krimin.
Në muajin janar, dy makina të inspektorëve të policisë u hodhën në erë, siç rrëfen gazetari Artan Hoxha, ndërsa jeta e tyre luan çdo ditë me rrezikun përpara të cilit qeveria nuk merr asnjë masë!
Askush nuk është vënë në pranga, e për këtë nuk na kanë ndihmuar as satelitët e famshëm revolucionarë, të cilësuar nga qeveria si një arritje e madhe për vendin, Albania 1 dhe Albania 2.
Asnjë pamje e asnjë ndihmë për policinë nga këta satelitë që të kapen autorët e ngjarjeve kriminale, vetëm miliona euro të harxhuara për sigurinë që nuk ekziston dhe propagandë në media.
“Ditën që ka ndodhur ngjarja, të martën në darkë, Gjergj Ndërshtiqaj ka qenë në shkollë, në Tiranë. Në makinë ka qenë edhe kunati Gjon Nika. Ata nuk e kanë vënë re se kanë patur dikë mbrapa. Afër vendit ku do të ndalonin, e kanë nuhatur. Polici dhe kunati janë qëlluar me 4 karikatorë fishekësh.
Polici ka qenë inspektor në zonën e Shoshit, zonën ku u qëllua helikopteri. Policia e Shkodrës kanë patur shumë ngjarje. Vetëm në janar janë hedhur në erë dy makina të inspektorëve. Këta bëjnë raporte se çfarë ndodh. Në 2022 kanë qenë 6 raste dhe policia goditet më shumë se kudo. Dyshimi, deri në këto momente, kur të dy janë plagosur dhe janë nën mjekim. Nuk kisha parë aq shumë tabela të verdha që fiksojnë predhat, as në Meksikë.
Ishte një ngjarje barbare. Kanë qëlluar tre persona, nga 4 dhe makina ka marrë zjarr. Oficeri ka dyshuar dhe janë pozicionuar pas një barriere betoni. Autorët duket se nuk janë vrasës profesionistë dhe kanë patur duf dhe inat. Nga 1997 nuk mbaj mend ngjarje të tilla, ishte vendi i zverdhur nga tabelat. Gjergji, verën e vitit të kaluar, shpëtoi dy turistë dhe u bë hero dhe në këtë rast e ka shpëtuar Zoti.
Sulmet gjatë viteve të fundit kanë ardhur për shkak të kultivimit të kanabisit”-tha Hoxha.
