Tetë vite pas ndarjes nga jeta të themeluesit të “Top Channel”, Dritan Hoxha, vajza e tij e madhe ka zgjedhur të bëjë një dedikim të veçantë. Lori Hoxha zgjodhi të fliste për anën e tij tjetër, atë të babait, pavarësisht se shumicën e kohës jetonte i ndarë nga familja e tij, që kishte zgjedhur të jetonin në Itali.
Lori publikoi për herë të parë një video në profilin e saj në “Instagram”, ku shfaqet i ndjeri teksa mban në duar djalin e porsalindur, Itanin.
“E di që ti nuk do doje ta bëja publike këtë video, por bota meriton të dijë që pas atij njeriut vizionar ndodhej një baba i mrekullueshëm! Një pjesë e zemrës time do jetë me ty kudo që ti të jesh, por ajo që më mbush me gëzim është të di se ishim aty për të shtrënguar dorën tënde në çdo hap tëndin.
Sara, Redia, Itan dhe unë do jemi përgjithmonë mirënjohës dhe të nderuar për gjakun tënd i cili rrjedh në venat tona. Botës i duhen më shumë njerëz si ty. Na mungon vërtet!”, shkruan Lori. Në video, Dritan Hoxha prezanton të voglin e tij me motrat, ndërsa i thotë që është me fat.
Presidenti i “Top Medias”, Dritan Hoxha nderoi jetë mëngjesin e 23 majit të 2008-s bashkë me punonjësen e “Top Medias”, Entela Hysko.
