Pas surprizës së një jave më parë, Riani shijoi takimin e parë me Anën. Madje ai hapi zemrën dhe rrëfeu gjëra që nuk i kishim ditur më parë për të shkuarën e tij. Kur u pyet nga Ana përse ka tradhtuar, Riniani tha se ka qenë në një moshë shumë të re dhe për shkak të punës së tij si striptist. Ana mbeti e habitur pas kësaj deklarate, ndërkohë që ai e ftoi atë në një kërcim.
Ana u emocionua dhe mbeti akoma më e surprizuar pas kërcimit. Më pas Riniani tregoi në studio se ai ka punuar si striptist kur nuk ka qenë në një marrëdhënie, por e ka pranuar gjithmonë këtë gjë, sepse e ka bërë si punë kur ishte shumë i ri në moshë dhe për shkak se fitonte lehtë shuma të mëdha parash. Ai tregoi se për çdo shfaqje që jepte fitonte 300 euro dhe se e bënte si punë gjatë kohës që edhe studionte.
Ana dhe Riniani u dukën tepër të afërt në takim dhe madje i bënë edhe dhurata njëri-tjetrit. Ata shkuan të zgjedhin parfume, ndërsa konkurrentja u shpreh se dëshironte të zgjidhte një parfum që i përshtatej karakterit të Rinianit.
Mirëpo, fjalët e Anës janë ironizuar nga ish-konkurrenti Arbër Aruçi. Ky i fundit doli me Anën në takim teksa ishte i pranishëm në emision dhe u përballën ashpër kur Arbri deklaroi se Ana i kishte thënë se dëshironte të dilnin çift nga “Për’puthen”.
“Parfumi dhe karakteri. Si mendoni ju, përputhen apo jo? Vetëm profesori edhe Loco e sqaron ku do me dalë Ana me filozofinë e saj.”- ka shkruar ai, ndërkohë që s’ka marrë ende një replikë nga Ana.
