Ai është një nga filmat më të pëlqyer në Itali por jo vetëm. “Anche se è amore non si vede”, titullohet komedia ku luan një prej aktoreve më të njohura italiane, në Shqipëri.
Bëhet fjalë për Ambria Angolini-n, e cila me sa duket ka parë versionin në shqip të kësaj komedie dhe menjëherë ka reaguar.
Ajo ka shkëputur një pjesë teksa flet e dubluar në shqip dhe e ka publikuar në “Instagram” duke shkruar:
“Ja dubluesja ime shqiptare dhe natën e mirë”, shkruan Ambra në “Instagram” duke shtuar edhe ikonën e njeriut që qesh me lot.
Në përgjithësi komentet e fansave të saj kanë qenë pozitive dhe e kanë pëlqyer faktin që një film i mirë si ai, transmetohet edhe në vendin tonë i dubluar në shqip.
